பிரபல நடன இயக்குனரான லாரன்ஸ் டைரக்ட் செய்த முனி மற்றும் அதன் இரண்டாவது பாகமான காஞ்சனா ஆகிய இரண்டு படங்களும் தமிழ் மற்றும் தெலுங்கில் பெரிய அளவில் ஹிட்டானது. அதிலும் காஞ்சனா மிகப்பெரிய அளவில் அவருக்கு பெயரையும்,புகழையும், சம்பாத்தியத்தையும் பெற்றுத்தந்தது.
அதனால் இப்போது அந்தப்படத்தின் மூன்றாம் பாகமாக ‘முனி பார்ட்3’ என்ற படத்தை டைரக்ட் செய்து வருகிறார் லாரன்ஸ். முதல் பாகத்தில் வேதிகாவையும், இரண்டாம் பாகத்தில் லட்சுமி ராயையும் ஹீரோயினாக நடிக்க வைத்த லாரன்ஸ் இந்தப்படத்தில் டாப்சியை நடிக்க வைத்துக் கொண்டிருக்கிறார்.
வேகமாக நடைபெற்று வரும் இந்தப்படத்தின் படப்பிடிப்பு விரைவில் முடிந்து தொழில்நுட்ப வேலைகள் நடைபெற இருப்பதால் இப்போது படத்தின் மியூசிக் டைரக்டராக அனிருத்தை கமிட் செய்திருக்கிறார்.
தமிழ்,தெலுங்கு ஆகிய இரண்டு மொழிகளிலும் அனிருத் தான் இந்தப்படத்துக்கு இசையமைக்கிறாராம். 21- வயது இளம் இசையமைப்பாளரான அனிருத் தனுஷ் நடித்த 3 படத்தில் “ ஒய் திஸ் கொலவெறி’ பாடல் மூலம் உலகமெங்கும் உள்ள ரசிகர்களிடையே பிரபலமானார்.
இதுகுறித்து அனிருத் கூறும்போது : முனி 3 ஆம் பாகத்தில் மியூசிக் டைரக்டராக கமிட்டானதில் எனக்கு மிகுந்த சந்தோஷமாக உள்ளது. லாரன்ஸ் அவர்கள் சொன்ன ஸ்டோரியை கேட்ட உடனே இந்தப்படத்துக்கு நாம் தான் இசையமைக்க வேண்டும் என்று முடிவெடுத்து விட்டேன்.ஒரு சக்சஸ் டீமில் நானும் இணைந்தது எனக்கு சந்தோஷமாக உள்ளது என்று கூறியிருக்கிறார் அனிருத்
.jpg)
0 comments:
Post a Comment
Click to see the code!
To insert emoticon you must added at least one space before the code.