தென்னிந்தியாவில் பாலிவுட் யாருக்கும் இல்லாத மவுசு ஷாருக்கானுக்கு உண்டு. அவரும் தென்னிந்தியாவில் நடைபெறும் கதாபாத்திரமாக தேர்ந்தெடுத்து நடித்து வருகிறார். உதாரணத்திற்கு, அவர் நடித்த 'ரா ஓன்' படத்தில்கூட தென்னிந்திய இளைஞனாக வந்து கலக்கினார்.
அந்த வரிசையில், இவர் அடுத்து நடிக்கவிருக்கும் இந்தி படம் ஒன்றிற்கு 'சென்னை எக்ஸ்பிரஸ்' என்று பெயர் வைத்திருக்கிறார். மும்பையிலிருந்து ராமேசுவரம் நோக்கி செல்லும் ரெயிலில் பயணம் செய்யும் ஒரு பையனுக்கும், பெண்ணுக்கும் காதல் மலர்கிறது. அதன்பிறகு, அவர்கள் சந்திக்கும் பிரச்சினைகளை மையமாகக் கொண்டு படம் தயாராகி வருகிறது.
இப்படத்தில் ஷாரூக்கானுக்கு ஜோடியாக தீபிகா படுகோனே நடிக்கிறார். இவர் தற்போது தமிழில் ரஜினிகாந்த் உடன் 'கோச்சடையான்' படத்தில் நடித்து முடித்துள்ளார். அதன்பிறகு, இப்படத்தில் நடிக்கிறார்.
மேலும், இப்படத்தில் நடிப்பதற்கு சத்யராஜ் ஒப்பந்தமாகியுள்ளார். இவர் தீபிகா படுகோனேக்கு தந்தையாக வருகிறார். இப்படத்தின் படப்பிடிப்புகள் விறுவிறுப்பாக நடைபெற்று வருகின்றன.
.jpg)
0 comments:
Post a Comment